DICKISON KAMGISHA BLOGGER: Septemba 2017

Jumamosi, 9 Septemba 2017

Jinsi Unavyoweza Kuwa Sumaku Ya Fedha, Njia 10 Za Kuivuta Fedha Ije Kwako Muda Wote

KAMGISHA Blog · 8 hours ago

Linapokuja swala la fedha, kila mtu ana hisia tofauti, na hisia hizi zinatokana na malezi ambayo tumepata kwenye jamii ambazo tumekulia. Na katika hisia hizi, nyingi huwa ni hasi, kwamba fedha ni kitu kibaya au kitu ambacho hakihitaji kujadiliwa mara kwa mara.

Kwa kusoma tu hiko kichwa cha habari kwamba kuna namna unaweza kuwa sumaku ya fedha, kuna watu tayari wameshakuwa hasi, kwamba kwa nini huyu Makirita anaandika kuhusu fedha, kwanza yeye anazo kiasi gani, na mengine mengi. Nakuelewa kama wewe ni mmoja wa watu wenye hisia hizi hasi, kwa sababu halikuwa kosa lako kuwa nazo, ila kama utasoma hapa mpaka mwisho na ukaendelea kuwa na hisia hizo, hapo sasa ni kosa lako.

Tutakachokwenda kujifunza hapa ni kwamba wewe unaweza kuivuta fedha ije kwako, na kwa njia za kawaida kabisa, wala sio kwa nguvu ambazo hazieleweki kama wengi wanavyodanganyana. Zipo njia zilizodhibitishwa kisayansi ambazo zinafanya kazi kwa watu wote bila ya kujali kiwango cha elimu, rangi, au unatokea familia gani.

Nina hakika umewahi kusikia usemi kwamba mwenye nacho huongezewa, ya kwamba tajiri ataendelea kuwa tajiri na masikini ataendelea kuwa masikini. Huu ni usemi uliowekwa na watu walioliona hilo likiendelea kwa wengi, lakini wakashindwa kulichimba kwa undani. Ukweli ni kwamba tajiri anaendelea kuwa tajiri kwa sababu ameshakuwa sumaku ya fedha, anajua jinsi ya kuzivuta zije kwake. Na masikini anaendelea kuwa masikini kwa sababu hajaijua mbinu ya kuzivuta fedha zije kwake. Je unataka kuzijua mbinu za kuvutia fedha zije kwako?

Karibu tujifunze mambo haya kumi unayoweza kuanza kufanya leo kwenye maisha yako na ukazivutia fedha kuja kwako.

1. Kuwa mkarimu, wasaidie wengine kwa chochote unachofanya.
Njia ya kwanza kabisa ya kuzivutia fedha kuja kwako ni kuwa mkarimu. Chochote kile ambacho unakifanya kwenye maisha yako, iwe kazi au biashara, hakikisha lengo la kwanza ni kuwasaidia watu. Unawasaidia watu kwa kuwapa huduma ambazo ni bora na zinawaondolea maumivu wanayopata sasa au kuwapatia mahitaji wanayokosa sasa.

2. Kuwa na shukrani kwa fedha ulizonazo.
Haijalishi ni fedha kiasi gani unapata, hata kama ni kidogo sana, kitu muhimu kabisa ni kushukuru. Shukuru kwamba umepata nafasi ya kupata kiasi hiko cha fedha, ukijua ya kwamba kuna wengine wengi ambao hawajapata nafasi kama yako. Ukikutana na shilingi mia njiani wakati unapita, iokote kwa furaha.

Unapokuwa mtu wa shukrani unakaribisha zaidi kile ambacho unashukuru. Wengi huwa walalamikaji kwa fedha kidogo wanazopata na hapa wanafukuza zaidi nafasi yoyote ya kupata zaidi. Kuwa mtu wa shukrani, utavutia fedha nyingi zaidi.

3. Usiwaonee wivu wengine.
Kama kuna watu wengine wenye fedha nyingi kuliko wewe, usiwaonee wivu, badala yake wabariki. Mafanikio ya wengine siyo sababu ya wewe kushindwa. Na unapojenga wivu dhidi ya wengine unaiambia akili yako kwamba kuwa na fedha siyo kitu kizuri na hivyo inazikimbia fursa za fedha. Lakini unapowabariki wale wenye fedha kuliko wewe, unaifungua akili yako na kuziona fursa nyingi zaidi za kifedha.

4. Usijione mwenye hatia kwa kuwa una fedha nyingi.
Moja ya vitu vinavyowafanya wengi kutokuvutia fedha ni kujiona kama wakiwa na fedha nyingi basi wale wanaowazunguka hawatajisikia vizuri. Huku ni kujiona mwenye hatia kama utakuwa na fedha. Na kujiona mwenye hatia kutaiambia akili yako iepuke mazingira yoyote yanayoweza kukuletea fedha zaidi. Jione kuwa wa msaada kama utakuwa na fedha nyingi zaidi, na utazivutia zaidi na zaidi.

5. Kuwa na mapenzi makubwa kwenye kile unachofanya.
Chochote unachofanya kwenye maisha yako, jambo muhimu kabisa ni ukipende sana. Penda kile unachofanya. Kuna usemi unasema kama kazi yako ni kitu unachopenda, hutafanya kazi kwenye maisha yako. Na mwingine fanya kile unachopenda na fedha haitakuwa tatizo kwako. Fanya kitu unachopenda kufanya, iwe ni kazi au biashara, na weka moyo wako wote kwenye kitu hiko na hakuna kitu kinaweza kukuzuia wewe kupata fedha zaidi.
Wengi wamekuwa wakifanya vitu ambavyo hawavipendi ili tu wapate fedha, na wanashangaa kwa nini hawazipati, jibu ni kwa sababu wanazifukuza wao wenyewe. Unapofanya unachopenda, unazivutia fedha kuja kwako.

6. Ukipoteza fedha, usijione mnyonge na kulalamika.
Pale unapopoteza fedha, na lazima utapoteza iwe ni kwa hasara au kudhulumiwa, usianze kulalamika kwa nini inatokea kwako tu, bali jifunze ni nini kimepelekea wewe kufikia kwenye hali hiyo. Na hakikisha hurudii tena makosa ambayo uliyafanya awali na yakakufikisha hapo. Labda unahitaji kuwa makini zaidi, labda unahitaji kuangalia wale unaowaamini na mengine mengi.
Ukiishia tu kulalamika na kuona wewe huna hatia, utaendelea kurudia makosa yale yale na kamwe hutazivutia fedha kuja kwako.

7. Siku zote timiza ahadi zako.
Fanya kile ambacho umeahidi utafanya, na kikamilishe kwa wakati na kwa ubora. Usiwe mtu wa kuahidi kwa maneno na wakati wa matendo huonekani. Timiza ahadi zako na utavutia fedha nyingi zaidi kwako. Iwe ni kwenye kazi au kwenye biashara, unachomwahidi mwajiri wako kitimize, na hatakuwa na jinsi bali kukuthamini zaidi. Chochote unachomwahidi mteja wako timiza, na atapata huduma bora zitakazomfanya awe mteja wako wa kudumu na kuwaambia wengine wengi zaidi.

8. Tegemea kuwa tajiri.
Haijalishi maana yako ya utajiri ni nini, tegemea kuwa tajiri. Na usiishie tu kutegemea bali kuwa na mpango kabisa wa jinsi gani utafikia utajiri wako, kipato chako kiwe kiasi gani, uwekeze kiasi gani ili uweze kufikia utajiri. Utajiri hauji kama ajali, ni zao la malengo, mipango na juhudi kubwa. Kama hutegemei kuwa tajiri huwezi kuvutia fedha kwako.

9. Amini kwenye wingi.
Kuna fedha nyingi sana kwenye dunia hii, nyingi mno, japo wengi wanakushawishi kwamba kuna uhaba wa fedha, siyo kweli. Amini kwenye wingi wa fedha na unachohitaji ni wewe kuja na wazo zuri la kuwasaidia watu na watakuwa tayari kukupa fedha zaidi na zaidi. Dunia haina uhaba wa fedha na mali, bali ina uhaba wa mawazo mazuri ya kuboresha maisha, njoo na mawazo mazuri na utavutia fedha zaidi na zaidi.

10. Kuwa mkweli kwako, kuwa halisi.
Linapokuja swala la fedha na utajiri, watu wengi sana sio wa kweli kwao binafsi na hata kwa wengine. Watu wengi sio halisi, bali ni feki, wengi wanaigiza maisha ya utajiri na wakati hali zao sivyo zilivyo. Wengi wanakazana waonekane kwa nje wana utajiri kumbe ndani yao mambo ni magumu. Watu wanaingia kwenye madeni makubwa ili tu kuonekana nao wapo. Hii sio njia nzuri ya kuvutia fedha zije kwako, badala yake utazikimbiza zaidi. Njia bora ya kuvutia fedha kuja kwako ni kuwa mkweli, na kuwa halisi. Ishi yale maisha ambayo ni yako, usitake kuleta maigizo, hakuna yeyote unayemfaidisha na badala yake unajiumiza mwenyewe.

Hizo ndiyo njia kumi za kuzivutia fedha zije kwako na hatimaye uwe tajiri. Wote tunajua fedha ni muhimu, na kadiri unavyokuwa nazo nyingi inakuwa rahisi kwako kupata mahitaji ya msingi ya maisha yako, na hata kuwasaidia wengine pia.

Njia zote hizi kumi zinaanza na wewe binafsi, haiangalii elimu yako ni kiasi gani, rangi ya ngozi yako, au kabila unalotokea. Pia haziangalii umri wako au umetoka familia ya aina gani. Ni wewe ufanye maamuzi leo na uanze kutekeleza hayo. Na ujue inachukua muda, siyo jambo la kutokea mara moja, hivyo kuwa mvumulivu.

Neno la mwisho kabisa ninalotaka kukushirikisha ni kukuambia uchukue hatua, iwe utayafanyia haya kazi, au utayakataa na kuendelea na maisha yako ya sasa. Maamuzi ni yako wewe mwenyewe. Lakini jua hakuna mtu atakayekuja kukutoa hapo ulipo, utajitoa wewe mwenyewe.

Jinsi Ya Kujua Fursa Za Kibiashara Zinazokuzunguka Hapo Ulipo Sasa

KAMGISHA Blog · 5 hours ago

Watu wengi wanapopanga kuanzisha biashara, huwa wamekuwa wakihangaika na kutafuta wazo lipi bora la biashara kwao kufanya. Wengi hutafuta fursa kubwa na za mbali na kusahau fursa za karibu ambazo zinawazunguka kila siku kwenye maisha yako.

Kwenye makala ya leo ya ushauri wa changamoto, tutakwenda kujadili jinsi unavyoweza kujua fursa za kibiashara ambazo zinakuzunguka hapo ulipo sasa. Iwe ni kazini, mtaani au hata kwenye biashara ambayo tayari unaifanya. Zipo fursa nyingi zinazokuzunguka hapo ulipo sasa.

Kabla ya kuangalia namna unavyoweza kuzitumia fursa zinazokuzunguka, tupate maoni kutoka kwa msomaji mwenzetu;

Changamoto yangu ni mbinu za kufanya biashara na kupata faida. Namna ya kupata fursa katika eneo lolote la biashara. Jerome J. K.

Kama alivyouliza msomaji mwenzetu Jerome, changamoto zake ni mbili ya kwanza ni mbinu za kufanya biashara na kupata faida na ya pili ni jinsi ya kupata fursa kwenye eneo lolote la biashara.

Tutaanza na changamoto ya jinsi ya kupata fursa za kibiashara popote pale ulipo, halafu tutamalizia na mbinu za kufanya biashara na kupata faida.

Jinsi unavyoweza kupata fursa za kibiashara popote pale ulipo;

Fursa za kibiashara zipo kila mahali, huhitaji elimu ya ziada ndiyo uweze kuziona, wala huhitaji uwe na uwezo wa kipekee kuweza kuziona. Unachohitaji ni udadisi na kutumia macho yako na masikio yako kuziona fursa nyingi za kibiashara zinazokuzunguka.

Zifuatazo ni njia unazoweza kutumia kuziona fursa za kibiashara;

1. Matatizo na changamoto ambazo watu wanapitia.
Popote pale ulipo, kuna matatizo ambayo watu wanayo, zipo changamoto ambazo watu wanapambana nazo. Kwa kuweza kuwasaidia watu kutatua changamoto na matatizo yao unaweza kuanzisha biashara ambayo itakunufaisha sana.

Kama pale ulipo watu wana changamoto ya maji, unaweza kutatua changamoto hiyo kwa kuanzisha biashara ambayo inawapatia watu maji ambayo wanayakosa. Vile vile kwa mahitaji mengine ambayo yanakosekana pale ulipo.

2. Mahitaji ya watu.
Mahitaji ya watu, hasa yale ya msingi ni fursa nzuri sana kibiashara. Mahitaji ni tofauti kabisa na matatizo au changamoto, kuna vitu ambavyo watu wanavihitaji ili maisha yao yaweze kwenda vizuri. Ukiweza kuwapatia watu vitu hivi watakuwa tayari kukupa fedha unazotaka.

Mahitaji ya msingi kabisa ya watu, yaani chakula, mavazi, malazi, afya na elimu yataendelea kuwa fursa nzuri za kibiashara. Hata kama wapo wafanyabiashara wengi kiasi gani wanaotoa mahitaji hayo, bado unaweza kuyatoa kwa ubora zaidi na ukapata wateja wa biashara yako.

Angalia ni mahitaji gani ya msingi ambayo watu wanaokuzunguka wanayo, anza na wewe mwenyewe na jua wapo watu ambao wana mahitaji kama yako.

3. Udhaifu wa biashara zilizopo sasa.
Huenda zipo biashara kubwa zilizopo hapo ulipo sasa, na watu kuna maneno wanasema juu ya biashara hizo, hii pia ni fursa kwako. Kama watu wanatoa maneno hasi na ya malalamiko kuhusu biashara fulani, chukua hiyo kama fursa. Kama watu kuna namna hawaridhishwi na huduma wanazozipata kwenye biashara wanazokwenda, chukua hiyo kama nafasi ya kuanzisha biashara ambayo itawapa watu kile ambacho wanakitaka.

Tumia vizuri macho na masikio yako, angalia watu wanafanya nini na wasikilize wanasema nini, utaona udhaifu wa biashara nyingine ambao ukiweza kuutumia vizuri utajenga biashara imara.

4. Ujuzi au uzoefu ulionao ambao wengine wanauhitaji.
Unaweza kuwa na ujuzi au uzoefu fulani ambao umeupata kwa kujifunza au kufanya kitu, na uzoefu huo ukawa unahitajika na wengine. Unaweza kugeuza hii kuwa fursa ya kibiashara.

Haihitaji uwe ujuzi au uzoefu wa kitaaluma, bali jambo lolote ambalo umefanikisha kufanya, unaweza kuwasaidia wengine nao wakafanya.

Angalia ni nini umejifunza na kuelewa vizuri, au umekuwa unafanya mpaka umeshazoea na wapo watu wengine ambao wanahitaji kujua kile unachojua wewe. Unaweza kuanzisha biashara ya kufundisha au kutoa mwongozo kupitia kile unachokijua. Uzuri wa biashara za aina hii hazihitaji mtaji mkubwa kuanza.

5. Kitu unachokasirishwa nacho kinapofanywa hovyo.
Inawezekana kuna kitu ambacho kinakukasirisha sana unapoona kimefanywa kwa hovyo. Labda ukiona watu wanateseka kwa matatizo ya afya inakuumiza na kukukasirisha sana. Au ukiona watu wanapata huduma ambazo siyo bora, inakuumiza sana. Unaweza kugeuza hasira yako hii kuwa fursa ya kibiashara. Unaweza kuja na njia bora zaidi ya kufanya kile kinachokukasirisha kinapofanywa hovyo.

Angalia vile vitu ambavyo vinakukasirisha pale vinapokuwa vimefanywa hovyo au kwa kukosa umakini. Anza kuvifanya wewe kwa umakini au wafundishe wengine kufanya kwa umakini.

Changamoto ya pili ilikuwa namna ya kufanya biashara na kufanikiwa.

Hapa naomba nikupe ile misingi mikuu ya mafanikio ya biashara yoyote, nitakutajia na kwenye makala zijazo nitaijadili kwa kina zaidi.

Misingi mikuu ya mafanikio ya biashara yoyote ni hii;

1. Hakikisha unakuwa na usimamizi mzuri wa biashara yako, kuwa karibu na biashara yako na jua kila kinachoendelea. Dhibiti vizuri kila kinachoendelea kwenye biashara yako.

2. Simamia vizuri mzunguko wa fedha kwenye biashara yako, jenga nidhamu bora ya matumizi ya fedha kwenye biashara.

3. Tengeneza timu imara itakayokuletea mafanikio kwenye biashara yako. Kuwa na wasaidizi wenye uwezo mkubwa na wenye hamasa ya kuweka juhudi kuhakikisha wanafanya makubwa zaidi.

4. Toa huduma bora kabisa kwa wateja wako, hakikisha mteja anapata huduma ambayo hajawahi kuipata sehemu nyingine yoyote, tatua changamoto ambazo wateja wanazipata kwenye biashara yako.

5. Kila siku jifunze kuhusu biashara na mafanikio kwa ujumla, soma vitabu, hudhuria semina, kuwa na kocha na omba ushauri pale unapokwama. Mara zote hakikisha una taarifa sahihi kabla ya kufanya maamuzi muhimu ya biashara yako.

Fanyia kazi haya ambayo umejifunza na utaweza kuanzisha biashara kubwa na yenye mafanikio.

Kila kilichopo mbele yako ni fursa, angalia namna unavyoweza kuitumia vizuri kibiashara. Pia zingatia mambo hayo matano muhimu katika kuikuza biashara yako.

Hiki Ndiyo Kitu Kinachosababisha Kuona Maisha Yako Ni Magumu Na Hayana Maana

KAMGISHA Blog · 8 hours ago

Rafiki, napenda kutumia nafasi hii kukualika tena siku hii ya leo katika makala yetu ya leo ili tuweze kujifunza wote kwa pamoja yale mazuri niliyoweza kukuandalia siku hii ya leo. Kwa namna ya pekee rafiki yangu, nakusihi sana tusafiri pamoja hadi mwisho wa somo letu la leo ambapo leo tutakwenda kujifunza kitu kinachosababisha kuona maisha yako ni magumu na hayana maana hapa duniani. Je unajua ni kitu gani hicho? Karibu tujifunze.

Ndugu msomaji, muda mwingine tunajiona hatuna maana katika maisha yetu, hatuna furaha na tunaona mambo ni magumu sana. Jamii imekaririshwa kulalamika na kuishi maisha ya hofu ambayo yanapelekea watu kukata tamaa ya maisha. Watu wanajiona hawana wanachofanya katika maisha yao kwa sababu ya kushindwa kuishi wakati wa sasa na kujifananisha na maisha ya watu wengine.

Rafiki, kama tukianza kujiuliza swali hili lifuatalo ndipo tunapoanza kuona kweli maisha ni magumu kwako na wala hayana maana. Swali ambalo ni sumu na baya kujiuliza katika maisha yako ni NIMEKOSA NINI MIMI? Hakika ukianza kujiuliza umekosa nini itakuwa ni litania ndefu ya majibu ambayo yatakufanya kujiona wewe huna unachofanya katika maisha yako.

Jamii ya leo imekosa shukrani watu wanaanza kujiuliza kuwa wamekosa kitu gani katika maisha yao badala ya kushukuru walivyonavyo. Maisha ni magumu sana kama ukianza kujiuliza umekosa nini katika maisha yako kwa sababu swali hili haliwezi kukuacha salama. Utaanza kujilinganisha na wengine huna kitu fulani na mwenzako anacho hapo sasa ndipo watu wanaona maisha yao hayana maana. Wengine wanalalamika wanafanya kazi lakini mshahara mdogo lakini kumbuka wakati wewe unalalamika mshahara mdogo kuna mwingine anatamani hana kazi anatamani apate hata hiyo ya mshahara mdogo.

Ukipoteza shukurani katika maisha yako umepoteza fadhila zote. Watu wanapenda kujiangalia wamekosa nini badala ya kushukuru kwa kile ambacho wanacho katika maisha yao. Kuwa hai tu ni jambo la kushukuru Mungu kwa sababu kuna wengine wameshakufa na walitamani waendelee kuishi hapa duniani ila unakuta mtu analalamika kwa kukosa shukrani. Usihesabu vile ambavyo huna bali hesabu vile ambacho unavyo.

Rafiki, kukosa kushukuru kwa vile ambavyo tunavyo ndiyo sababu ya watu wengi kuona maisha yao hayana maana yaani hakuna kitu wanachofanya hapa duniani. Kama uko mzima shukuru kwa sababu uko mzima kwa sababu kuna mwenzako ni mgonjwa anatamani kuwa mzima kama wewe, kama unaumwa usilalamike kwa sababu kuna mwingine yuko hospitalini anakata roho. Usilalamike umekosa kitu fulani bali shukuru kwanza kwa chochote kile ambacho Mungu amekujalia kuwa nacho katika maisha yako.

Utawezaje kuwa na furaha katika maisha yako kama wewe ni mtu ambaye huna shukurani? Unajiuliza umekosa nini katika maisha badala ya kujivunia kwanza kwa kile ambacho unacho sasa? Ukianza kujiuliza umekosa nini utapata vitu vingi ambavyo hukutegemea hatimaye vinakupelekea wewe kudharau maisha yako na kuona maisha ya wengine ndiyo yana thamani kubwa. Utaanza kuona maisha yana thamani pale utakapoanza kujikubali na kushukuru kwa kile ambacho unacho. Ukianza kushukuru utafungua mlango wa baraka wa kupata vile ambavyo huna na utajiona maisha ni mazuri kuliko kudharau kile ambacho unacho sasa na kukiona hakina maana kwako.

Hatua ya kuchukua leo, usijiulize umekosa nini katika maisha yako. Shukuru kwa kile ambacho unacho sasa ndiyo utaweza kuyaona maisha yako yana baraka na mazuri lakini ukishayadharau maisha yako kwa sababu ya kuona huna kitu fulani utajikuta uko katika hali ngumu sana.

Kwa hiyo, maisha ni furaha. Kuwa na shukrani katika maisha yako badala ya kuanza kujidharau maisha yako kwa kujiuliza umeanza kukosa nini. Ushindi wowote mdogo unaopata katika maisha ni jambo la kushukuru sana kwa sababu kile unachopata wewe na unakidharau kuna mwingine hana. Shukuru kwa kila jambo katika maisha yako.

Jumapili, 3 Septemba 2017

JIFUNZE MANENO BORA 150 YA UAMINIFU KATIKA MAISHA:

Welcome!Log into your account

your username

your password

Forgot your password?

PASSWORD RECOVERY

Recover your password

your email

Home LIFE

LIFE

JIFUNZE MANENO BORA 150 YA UAMINIFU KATIKA MAISHA:

By elizabeth David -

March 31, 2016

5443

Uaminifu ni jambo la msingi na ni chombo pekee kinachofaa ndani ya mahusiano mbalimbali, kama ya biashara, mke na mume, mtu na mchumba, marafiki na familia.uaminifu ni uwezo unaoleta imani kwa mtu, na ni njia ya kukupeleka katika ubora wako.

Si kila mtu anaweza kuaminika, tunatakiwa kuwa makini katika hilo, kwa sababu madhara yake ni makubwa sana. Imani inajengwa na historia ya mtu mmoja ambaye anaweza kuaminika na ni katika sehemu ambazo ameonekana kuwa ni mkweli na mwaminifu.

kitu kimoja cha ajabu sana kuhusiana na imani ni kwamba , inachukua miaka kuijenga, lakini ni dakika kuibomoa.kuna namna nyingi ungeweza kumwamini mtu au la. fuatana nami katika maneno haya yanayoweza kuvutia, na kuamini neno moja inahitaji uvumilivu mkubwa.

IMANI..INACHUKUA MIAKA KUIJENGA, SEKUNDE KUIBOMOA, NA HUTAWEZA KUITENGENEZA TENA.

1.Mahusiano bila uaminifu ni sawa na simu bila network, utacheza game tu.

2.Nakuamini. ni sifa nzuri kuliko nakupenda.kwa sababu huwezi kumwamini mtu usiempenda,lakini utampenda mtu unayemwamini.

3.Mahusiano mazuri hayahitaji ahadi,hali ya kifedha, yanahitaji tu mwanamke mwaminifu na mwanaume ambaye ni mwaminifu.

4.moja lazima liwe linategemea imani ya watu, na imani yao kama mmoja ataweza haribu maisha yao.

5.Nafikiri tunaweza kuwa salama zaidi tunapoaamini mipango tulioiweka kuliko tufanyavyo.

6.Ni gharama kubwa tusipoaminiana.

7.Huwezi kupona kabisa bila ya kuwa na imani japo kidogo tu katika maisha.

8.Amini insticnt yako mwenyewe,makosa yako ni yako , badala ya kumsingizia mwingine.

9.Imani inaweza kukusaidia kufahamu vitu unavyovihitaji kabla ya kufungua moyo.

10.Jibu linakuja pale unapomwamini mtu halafu ukagundua kuna siri imefichika.

11.Amini tu harakati,maisha hutokea katika hizo harakati,matukio mbalimbali sio ya maneno.amini harakati.

12.Mkosoaji ni mtu ambae angeweza kumuuliza Mungu kitambulisho chake.

13.Watu wengi husema kuwa serikali ni ya muhimu,kwa sababu wanaume hawawezi kulinda wenyewe. lakini kuna mtu anasema serikali ni mbaya kwa sababu hakuna mwanaume anayeweza kuamini kumlinda mtu.

14.Harusi ni sherehe tu ya mapenzi, Uaminifu , wenza,kuvumiliana,taabu ni muda wowote uliopo ndani ya ndoa.

15.Katika Mungu tunaamini, wadudu wengine wote mpaka kuwapima.

16.Usimwamini mwanaume kupitiliza,wala bachela kuwa nae kwa karibu sana.

17. Ukifanikiwa kumsaliti mtu, usifikiri huyo mtu ni mjinga.

18.Ukiwa na moyo mzuri, unasaidia sana, unapenda sana, na mara zote utaonekana unaumia sana.

19.Msichana anapokuelezea matatizo yake, haina maana kuwa analalamika, ina maana anakuamini.

20.Tafuta mwenza anayekutia moyo katika maendeleo, ambaye hatakuangusha , atakayekufanya utikise dunia. na uamini kurudi kwako.

21.Ukiamini sana unaweza kudanganywa, na utaishi kwa taabu, labda uwe umeamini kitu sahihi.

22.Unaweza kupenda kirahisi bila ya kuamini na kukumbatia bila ya kukumbatiwa.

23.Tumezaliwa na ufahamu wa kuamini na kukubali, wengi wetu hubakia na kukubali.

24.Nikikupa moyo wangu , sitakupa mamlaka ya kunitawala, kunitukana, nakupa kwa sababu nimekuamini utalinda zaidi.

25.Namwamini kila mtu lakini siamini ushetani uliopo ndani yao.

26.Unaweza kuwa na imani yako na nguvu zako mwenyewe.

27. Uamuzi wa kuamini au wa kutomwamini mtu, ni sawa tu na uamuzi wa kupanda mti au kutokupanda juu ya mti kuona uzuri wa tawi.na kwa sababu hio watu huamua kubaki wenyewe ndani ya nyumba, ambako ni vigumu kupata sprinter.

28 Wa kumwamini ni Mungu tu.

29.Iwe urafiki wa mahusiano , vitu vyote vinajengwa na imani.bila hivyo hakuna kitu.

30.Bila mawasiliano hakuna mahusiano,bila heshima hakuna mapenzi,bila kuaminiana hakuna sababu yakuendelea….

31.Mahusiano ni kuaminiana , na kama utacheza kiaskari ndani yake , ni wakati wa kuacha hayo mahusiano.

32.Mmoja awe ni mfano kwa watu , na kuwafanya watu waamini, wasije kuharibu.

33.Nahofia kukosa thamani na tabia nzuri kwa ajili ya kukaripia watoto, kulaumu , kuwapa adhabu watoto, lakini naamini katika mahusiano mazuri ya wazazi na watoto wanaokua pamoja, kunakuwa na mahusiano mazuri ya kujenga imani, kuongea vizuri na kusaidiana kwa pamoja.

34.Tumepewa maisha ili yawe mazuri , maisha ya ushindi. yafanye yawe hivyo.

35.huwezi kushikana mikono kwa kutumia ngumi ngumi.

36.Jiamini usisubiri kuaminiwa na mtu.

37.Nafasi huwa na nguvu mara zote. tupia nyavu kwenye bahari ni utapata samaki.

38.Rafiki wa kweli nitampenda, yule ambaye tutakuwa nae kwa hali na mali, kwenye shida na raha.lakini wale ambao hufurahi nami wakati wa raha sio rafiki wa kweli.

39.Kuna nguvu katika imani, wewe weka nyavu zako ndani ya maji utapata samaki.

40.Ukigundua nguvu ilioko ndani ya mawazo yako, hutawaza ubaya tena.

41.njia moja tu ya kumfanya mwanaume awe mkweli ni kumwamini.

42.Bora kutomwamini mmoja wa marafiki, kuliko kudanganywa na wao.

43.Penda wote lakini usimwamini hata mmoja.

44.Nwatamania wale waaminifu na wakweli.

45.Uaminifu wa kweli ni akiba unayojiwekea.

46. Kukaa kimya na kusubiri ukamilike na kuwa mwaminifu kwamba utakuwa mkamilifu,kunamiujiza ya akili walionayo wanadamu, imefahamika na wenye hekima.

47. uwezo wa kufungua tumaini lililofungwa,uaminifu, na sababu ya kufunga uaminifu wa ndoto njema ni wa Mungu pekee.

48.Uaminifu una nafasi kubwa kuliko kupendwa.

49.Ubunifu unatokana na uaminifu, amini uwezo wako usitegemee kitu tofauti na kazi tofauti.

50.uaminifu wetu katika mahusiano, unategemea makubaliano yetu, yanayoonyesha maslahi yetu, lakini pia maslahi ya watu..

51. Ukimwamini mwanaume, atakuwa mkweli kwako, waheshimu wataonyesha heshima kwako.

52.Weka matarajio ya juu kupata mwanaume au mwanamke mwenye heshima, mwaminifu na mwenye kukuthamini kama unavyotegemea.chukua majaribio na mafunzo kwa vitendo na wape uaminifu wako.

53. uaminifu wa kila mtu ni tofauti , haulingani. usimwamini mtu.

54.Kuondoa uaminifu utafanya maisha kuwa magumu, kuamini nako kunaleta hatari.

55.Familia inayoongea manone machafu, matusi matusi ,ni sehemu ambayo wanashiriki siri zao kwa wazi wazi na wanajisikia vizuri na tofauti na wengine.hawawi bora na hujitoa kwa wengine bila ya kujali.

56.Ukiamini kupita kiasi unaweza ukadanganywa, lakini pia utaishi na maumivu kama hutaamini.

57.Ni ngumu na haiwezekani kuendelea na maisha bila kuaminiana. utakuwa kama mfungwa ndani ya jela mbayan kuliko zote. nin ya kipekee.

58. Bila ya uaminifu, maneno huwa kama sauti mbaya inayotoka kwenye kitu kibovu . uaminifu ni maneno ya maisha yenyewe.

USIMWAMINI MTU:

59. Mwanadamu atakuangusha kimaisha, ahadi zitavunjika,usitegemee kitu kwa mtu, jiamini tu wewe.

60.Watu watakuangusha kimaisha, usitegemee kitu kwa mtu jiamini mwenyewe.

61.Siku ya wajinga duniani mwezi wa 4 usiamini chochote,na usimwamini mtu ni kama siku zingine.

62.Usimwamini mtu , jisemee mwenyewe siri zako, usimwambie mtu na hakuna wakukudanganya.

63.Mara nyingi vitisho sio vinavyokupinga, ni wale ambao wanahitaji kuwa upande wako, na ukweli ni kidogo.

64.Usimwamini mtu huwezi kujua ni lini marafiki wa kweli wataonekana.

65.Kama mtu atakuumiza, atakugeuka na kukuvunja moyo, wasamehe maana wamekusaidia kujifunza kuhusu uaminifu na umuhimu wa kuwa makini unapofungua moyo.

66.Simwamini mtu,nimechoka kusaidia, na nimepata watu wote na ninafanya mwenyewe.

67.Usimwamini mtu, rafiki huyo huyo,familia, utakufa kwa ajili yao watakuua.

68.Hata siku usimwamini mtu,jifunze kuhusu wao, ukiwa pamoja nao.halafu jifunze kuamini, usipofanya hivyo utajilaumu .

69.Watu huuliza kwa nini ni vigumu kumwamini mtu,na wengine huuliza kwa nini ni vigumu kutunza ahadi.

70.Usimwamini mtu ambae anakueleza mambo ya siri za wengine,kwa sababu na zako atawaambia wengine.

71.Unapotegemea kitu cha mwisho mtu akifanye, ndicho hicho cha mwishi hufanya kabla hujajifunza kwao.

72.Uwe makini na huyo unaemwamini, kwa sababu hata meno yako hung’ata ulimi wako.

73.Usimpe mtu siri yako,kwa kuwa usipotunza, siri yako usitegemee wengine watunze.

74.Huwezi kupata mwaminifu siku hizi , kwa kuwa unapoanza kuwaamini unaonyeshwa kwa nini uwaamini.

75.Uwe makini na mtu unaeshiriki nae matatizo pamoja,kumbuka si kila rafiki anaetabasamu ni mwema kwako.

76.Uwe makini na wale unaowaamini kwa sababu, mara husema rafiki zako kumbe wanakung’ong’a nyuma.

77.Niliwahi kuwakuta rafiki zangu wakinisema , pindi tu niliporudi bila wao kutarajia .usimwamini mtu.

78.Uwe makini yule unayemwamini asije akageuka , maana hata huyo ni mwongo.

79.Watu huamini kuwa ni ngumu kusamehe,mimi nasema kusamehe ni rahisi kuliko kujifunza kumwamini mtu kwa mara nyingine.

80.Damu ni nzito kuliko maji, lakini vyote huvuja. Usimwamini mtu.

81.Usimpe mtu moyo wako,kama hutaweza kumwamini.

82. Ni ngumu kuwaamini watu ambao tayari wameoonyesha kuwa hawakuamini.

83. Mimi naweza kukusamehe, lakini sio mjinga wa kukuamini tena.

84.Kuna sababu mbili tu kwa nini watu hatuaminiani,1.hatufahamiani, 2.kwa sababu tunawafahamu.

UAMINIFU ULIOVUNJIKA.

85.Hisia mbaya duniani ni kufahamu kkwamba ulitumika na kudanganywa na mtu uliekuwa unamwamini.

86.Ni ngumu kumwamini mtu ambae ulijiachia kabisa kwake , halafu akakugeuka.

87.Kitu cha kuhuzunisha ni pale unapovunjika moyo na kuogopa kumpoteza mtu ambae unamwamini na kumpenda, halafu akakuvunja moyo,ni ngumu kupona.

88.Kitu kibaya zaidi duniani ni pale unapomwamini mtu na kila alichokuambia ni kweli, kwamba nakupenda, nakuhitaji, nakujali, unanifanya niwe na furaha, halafu mwisho unagundua kuwa sio peke yako uliyeambiwa hivyo.

89.Umbali hauharibu mahusiano, hofu , wasiwasi ndio uharibu.

90.ukiumizwa ni ngumu sana kukubali kuwa na mtu mwingine , utaogopa.

91.Uaminifu ni nguzo ya mahusiano, kosa dogo huharibu vitu vyote.

92.Ukisema utafanya kitu na hukifanyi unajidanganya, ndio maana huaminiki.

93.Mmoja anaposaliti kwenye mahusiano, hakuna sababu ya kubaki, kama anakupenda asingekusaliti.

94.Uaminifu unapioondoka kwenye mahusiano hakuna tena furaha.

95.Pale ulipogeukwa usingepata imani kwanza.

96.Siangalii kwamba umenidanganya, naangalia kuanzia sasa na kuendelea siwezi kukuamini.

97.Umbali unaweza kuwa ni changamoto ngumu katika mahusiano, uaminifu unapokosekana, wasiwasi huzaliwa.

98.Mahusiano bila uaminifu ni kama gari bila mafuta, unaweza kukaa humo unavyohitaji, lakini haliendi popote.

99.Wasichana wamejifunza, itachukua miaka kujenga uaminifu, lakini ukiwa na dukuduku utaharibu imani.

100.hakuna kinachoshindikana duniani, lakini uaminifu wa mara ya pili, ule uliovunjika umeshindikana.

101. mara nyingi uaminifu ni ule uliovunjwa na kuamini ni pale wewe unapoharibu.

102.Watu ambao hawakuamini kabla ya maelezo, hawatakuamini hata baada ya maelezo. uaminifu sio kitu cha kuomba upewe muda uonyeshe.

103.Ukiongea uongo mwanzo tu , na ukweli wako utakuwa wa kujiuliza.

104.Kitu cha kwanza ambacho tunataka watu wakifanye, ndio hicho ambacho wamefanya hata kabla ya kujifunza kutoka kwao.

105.Kama utaanza mahusiano kwa uongo , utapoteza uaminifu wako , matarajio yao ndani yao pale ukweli unapoonekana.

106. Usivunje vitu 4 maishani mwako , ahadi,uaminifu, mahusiano,moyo wako wa upendo, kwa sababu unapovunja havipigi kelele lakini inaumiza sana.

107.Pole hufanya kazi pale kosa linapotokea., lakini samahani haifanyi kazi pale uaminifu unapovunjika, kwa hio, kwenye maisha fanya makosa lakini usivunje uaminifu.

108.Mimi naweza kukusamehe lakini sitakuwa mjinga wa kukuamini tena.

109.Kitu kinachoumiza zaidi ni pale unapokuwa na mazoea halafu mara mahusiano yanavunjika,halafu baadae unagundua kuwa ulikuwa unadanganywa na kuonewa na hata hukustahili kuujua ukweli.

110.Ukifanikiwa kumsaliti mtu,usifikiri ni mjinga, tambua kuwa mtu huyo anakuamini, kuliko hata unavyohitaji kuaminiwa na yeye.

111.Mtu anavunja uaminifu, usifikiri ni mjinga kuwaamini wao, hukufanya baya ila ni watu ambao hawastahili kuaminiwa.

112. Unapoanza kushangaa ni vipi naweza kumwamini mtu, ni kwa sababu unajua huwezi kuamini.

HAKUNA UAMINIFU.

113.Tumekutana tumezoeana,tumependana, tumetoka pamoja, tumewekeana ahadi. umenisaliti, basi, tumefuta, muda wote huo tupo ilimradi tu pamoja. lakini sio sisi tu bali ni pamoja na wengine.nafikiri hakuna tena uaminifu.

114.Kama hakuna uaminifu hakuna kitu cha sisi.

115.mapenzi hayawezi kukaa bsehemu ambayo hakuna uaminifu.

116.Kama leo hakuna uaminifu hata kesho hakuna.

117.Hakuna uaminifu , hakuna mahusiano ni mradi watu wawili wanatumia muda wao pamoja.

118.Bila uaminifu hakuna uaminifu, na bila uaminifu hakuna urafiki.

119.Hakuna uaminifu ,hakuna imani, hakuna ukweli katika wanaume wote wanaoapa uongo na wanaofanya hayo yote ni dhahili hakuna uaminifu.

120.Mahusiano bila uaminifu ni kama simu bila network utakachofanya ni kucheza game.

121.mahusiano hukoma kwa sababu ya maneno,uongo, usaliti, social networks, kuwa feki, hakuna uaminifu kwa wengine kukosekana kwa ngono na kukosekana kwa mapenzi.

122.Mungu nifanye chombo chako cha amani palipo na chuki, palipo na kutofautiana, palipo na giza, mwanga na pale palipo na huzuni kuwe furaha.

123.Hakuna uaminifu,hakuna imani, hakuna ukweli kwa wanaume.

IMANI YAKO WEKA KWA MUNGU.

123.Mawazo yenye wasiwasi ni hasara kubwa, kwa sababu chochote au vyovyote alivyonavyo Mungu kwako ni vyako. mwache Mungu aonekane.

124.Weka imani yako kwa mungu, na kwako mwenyewe.fuata moyo wako mara zote, uwe na tumaini linaloishi katka kila ufanyacho.

125Mungu atakuongoza njia pale pasipokuwa na njia.

126.Uwepo wa Mungu upo wakati wote kuwajibu wenye mahitaji na wenye imani kwake.

127.Mungu nifanye chombo chako cha amani palipo na chuki iwe tumaini, palipo na giza kuwe mwanga, na pale palipo na huzuni pawe na furaha.

128.Mungu hukutana na mahitaji ya kila siku sio kila wiki au majira, atakupa unachohitaji wakati kinapohitajika.

129.Kuweka imani kwa Mungu ni kujihakikishia ujasiri kwake.

130.Mungu hajakuita ili akuache, amekuita ili akuongoze.

131.Usiogope kumwamini kwa ajili ya baadae isiyojulikana kwa mungu anayejulikana.

132.Maisha yakiwa magumu kumbuka Mungu yupo pamoja na wewe, na atafanya maisha kuwa rahisi.

134.Mungu kama ni mapenzi yako na yafanyike, lakini mungu kama sio mapenzi yako basi nionyeshe njia ya kupita ulioiandaa kwa ajili yangu.

135.Uwe na uhakika kuwa uko kwenye zamu yako leo, na mwache Mungu ashughulikie.

136.Ukiogopa ni dalili kuwa huo ni woga, acha woga kwa sababu Mungu yupo anakulinda.

137.Ukiwa umechoka omba nguvu kwa Mungu, wakati huwezi kuongea , ongea na Mungu, ukiwa mpweke , Mungu yupo nawe.

138.Maisha yana changamoto unapokuwa unafikiria sana, mwache Mungu aongoze hatua zako.

139.Vyovyote ulivyo ndani ya roho yako, kwamba unamjua Mungu,anayekuelekeza kufanya jambo, haijalishi kuna mawzo ya aina gani yanayokukwamisha, songa mbele.

140. Najua Mungu anakuwazia mawazo mema na ana mpango mzuri na wewe katika maisha yako.

141.Kumwamini Mungu ni hekima kubwa, kumfahamu mungu ni amani , kumpenda Mungu ni ni nguvu ya tofauti, imani kwa Mungu ni ujasiri.

142.Ninapopita katka magumu huwa najikumbusha kuwa Mungu yupo upande wangu.

143.Kufuli haliwezi kutengenezwa bila ufunguo, hivyo Mungu hawezi achia tatizo bila majibu. ni hitaji tu la kufungulia linalohitajika.

144.Taarifa mbaya ni maisha sio rahisi, taarifa nzuri ni usitegemee akili zako mwenyewe , mtegemee Mungu.

145.Pamoja na kuzoea ugumu wa maisha fahamu kwamba Mungu anaweza kila kitu, mwamini yeye na uache mapenzi yake yatimie.

146.Usijidharau,kila kitu Mungu anaweza kukufanyia katika maisha yako.mwamini tu.

147.Mungu ana mpango na kila mtu pamoja na mimi, huwa sifahamu ni nini, lakini nina imani katika hukumu zake, mapenzi yake ni mapenzi yake, yeye hutawala sio mimi.

148.Kma hajakufanyia vizuri , utambue sio mume ambae Mungu amekupa, mwanaume ambaye amekuchezea jitie nguvu mwache aende, .

149.Maisha ni jinsi unavyoyaweka kwa hio endelea kuyapigania, na mara zote kumbuka kuwa Mungu yupo nawe haijalishi unapita vipi. usikate tamaa kwa imani ulionayo.

150.Endelea kuomba na kupigania, kwa msaada wa Mungu na nguvu yako ya ndani utapita tu. utashinda.

-Hivi ni kwa nini Mungu.

-kazi yangu ni kuwapenda watu sio kuwabadilisha.

shirikisha rafiki na familia maneno haya mazuri , pia toa maoni yako upendavyo karibu sana.